SPORTELIST – ARKËTARE ZËVENDËSUESE DEGA EMIGRES
.jpg)
Funksionet dhe përgjegjësitë:
- Shërbimi në kohë dhe me cilësi i të gjithë klientëve që paraqiten në sportel, duke respektuar procedurat dhe rregulloret e arkës.
- Verifikimi i klientëve të cilët kryejnë veprime në sportel.
- Sigurimi që rregulloret kundër Parandalimit të Pastrimit të Parave dhe Financimit të Terrorizmit të zbatohen me përpikmëri.
- Mirëmbajtja e dokumentacioneve që plotësohen apo dorëzohen nga klientët, si mandate arkëtimi, mandate pagese, çeqe, libreza etj.
Në vijim gjendet përshkrimi i punës i detajuar për pozicionin.
Kriteret e nevojshme:
- Diplomë e arsimit të lartë në Shkencat Ekonomike.
- Preferohet të ketë eksperiencë pune mbi 1 vit dhe veçanërisht në pozicionin e Arkëtares.
- Motivim dhe dëshirë për t’iu bashkuar ekipit tonë.
- Të ketë aftësi komunikuese, organizuese dhe bashkëpunimi në grup.
- Të ketë njohuri të mira të gjuhës angleze.
- Të ketë njohuri të mira të paketës MS Office apo programeve informatike.
- Të jetë e orientuar ndaj rezultatit dhe të jetë e disponueshme për të punuar me orare fleksibël.
Çfarë ofrojmë ne:
- Një paketë financiare shumë të mirë dhe konkurruese, me bonuse tremujore, pagë të 13-të dhe të 14-të.
- Mundësi rritjeje në karrierë, trajnime dhe zhvillim profesional.
- Benefite ekstra si check-up, fond pensioni privat, depozitë besnikërie, shërbime bankare pa komision, atmosferë dinamike dhe grup pune në rritje.
- Aktivitete të ndryshme sportive, retreat-e, udhëtime etj.
Aplikimi
Të interesuarit mund të aplikojnë duke dërguar aplikimin në adresën e mëposhtme:
E-mail: burimenjerezore@bankacredins.com
Vetëm kandidatët që përmbushin kriteret do të përzgjidhen dhe do të njoftohen për intervistë pranë Departamentit të Burimeve Njerëzore të Credins Bank.
Afati i aplikimit: 19.06.2026
Shënim – Politika e Privatësisë
Banka Credins sh.a. deklaron se i përpunon të dhënat personale të aplikantëve mbështetur në Ligjin Nr. 124/2024 “Për mbrojtjen e të dhënave personale” dhe Udhëzimin Nr. 42, datë 22.07.2014, “Për përpunimin e të dhënave personale të kandidatëve për punë”.Banka ofron sisteme të larta sigurie me qëllim garantimin e sigurisë së të dhënave personale që përpunon.
Aplikantët gëzojnë të gjitha të drejtat që parashikon ligji për mbrojtjen e të dhënave personale. Për më tepër informacion, referojuni politikës së privatësisë në faqen zyrtare të bankës: https://bankacredins.com.