Credins bank mbeshtet fondacionin Down Syndrome Albania

Në një mbrëmje artistike dedikuar humanizmit dhe solidaritetit, mbledhja e fondeve për fondacionin Down Syndrome Albania & PRO PAK Service Center, ishin kryefjala që solli emocione gëzimi tek familjet e fëmijëve me DSA.

Credins bank, si një nga mbështetësit kryesorë të çdo kauze që sjell zhvillimin dhe integrimin e fëmijëve me sindromën Down, ishte e ftuar duke qenë një model konkret për ndihmën e vazhdueshme të dhënë ndër vite.

Çdo mbështetje ka fuqi të madhe për të ndryshuar jetën e tyre, në këtë aspekt është emocionuese të shohësh se sot ka një angazhim të vazhdueshëm nga komuniteti vendas, individë, subjekte/korporata private që ndihmojnë me zemër për përfshirjen e tyre, duke ua bërë jetën më të lehtë dhe më të bukur.